МИДИ ПЛУС од А до Ш – подлога со македонската азбука, 125 × 125 см

31 буква, 31 збор, 31 мала приказна. МИДИ ПЛУС од А до Ш – подлога со македонската азбука, 125 × 125 см ја претвора македонската азбука во простор за игра, откривање и први зборчиња. Од А како авион до Ѕ како ѕуница, секоја илустрација повикува на нова приказна.

Барајте ги буквите заедно, именувајте ги цртежите и составувајте зборови. За учење низ игра, за детски насмевки и за јазикот наш, јазикот убав.

Една подлога, многу начини за игра

• Македонската азбука низ илустрации: 31 буква со зборови и рачно цртани илустрации од Марија, Shop Frankly.
• Двострана: илустрирана страна за игра и учење и страна без принт.
• 125 × 125 см: простор за игра дома, декорација во детската соба или пикник во парк.
• 100% веганска кожа: се чисти со сува или влажна крпа.
• Цената е за подлогата. Дрвените букви прикажани на фотографиите се продаваат одделно.
• Игра со букви: комбинирајте ја со дрвените букви од Ѕуница за барање, споредување и составување зборчиња.

Три девојки, два бренда, една азбука

Идејата тргна од нешто во што сите три веруваме: децата најубаво учат преку игра. Со Марија од Shop Frankly ги споивме нашите два света во една подлога. Секоја буква, збор и илустрација е рачно нацртана од Марија, а дрвените букви што ги изработуваме во Ѕуница го добија своето природно игралиште.

Детали и одржување

• Димензии: 125 × 125 см.
• Материјал: 100% веганска кожа.
• Две страни: едната со илустрација, другата без принт.
• Бришете со сува или влажна крпа, без агресивни хемиски средства.
• Сушете на воздух или накратко во машина за сушење на средна температура за да се исправат превиткувањата.

А, Б, В… ајде да си играме!